២៣. តេវីសតិមវគ្គោ

(២២៥) ៨. បតិរូបកថា

៩១៥. អត្ថិ ន រាគោ រាគបតិរូបកោតិ? អាមន្តា. អត្ថិ ន ផស្សោ ផស្សបតិរូបកោ, អត្ថិ ន វេទនា វេទនាបតិរូបិកា, អត្ថិ ន សញ្ញា សញ្ញាបតិរូបិកា, អត្ថិ ន ចេតនា ចេតនាបតិរូបិកា, អត្ថិ ន ចិត្តំ ចិត្តបតិរូបកំ, អត្ថិ ន សទ្ធា សទ្ធាបតិរូបិកា, អត្ថិ ន វីរិយំ វីរិយបតិរូបកំ, អត្ថិ ន សតិ សតិបតិរូបិកា, អត្ថិ ន សមាធិ សមាធិបតិរូបកោ, អត្ថិ ន បញ្ញា បញ្ញាបតិរូបិកាតិ? ន ហេវំ វត្តព្ពេ…បេ….

៩១៦. អត្ថិ ន ទោសោ ទោសបតិរូបកោ, អត្ថិ ន មោហោ មោហបតិរូបកោ, អត្ថិ ន កិលេសោ កិលេសបតិរូបកោតិ? អាមន្តា. អត្ថិ ន ផស្សោ ផស្សបតិរូបកោ…បេ… អត្ថិ ន បញ្ញា បញ្ញាបតិរូបិកាតិ? ន ហេវំ វត្តព្ពេ…បេ….

បតិរូបកថា និដ្ឋិតា.