(២១៨) ១. ឯកាធិប្បាយកថា

៩០៨. ឯកាធិប្បាយេន មេថុនោ ធម្មោ បដិសេវិតព្ពោតិ? អាមន្តា. ឯកាធិប្បាយេន អស្សមណេន ហោតព្ពំ, អភិក្ខុនា ហោតព្ពំ, ឆិន្នមូលេន ហោតព្ពំ បារាជិកេន ហោតព្ពន្តិ? ន ហេវំ វត្តព្ពេ…បេ… ឯកាធិប្បាយេន មេថុនោ ធម្មោ បដិសេវិតព្ពោតិ? អាមន្តា. ឯកាធិប្បាយេន បាណោ ហន្តព្ពោ, អទិន្នំ អាទិយិតព្ពំ, មុសា ភណិតព្ពា, បិសុណំ ភណិតព្ពំ, ផរុសំ ភណិតព្ពំ, សម្ផំ បលបិតព្ពំ, សន្ធិ ឆេទិតព្ពោ, និល្លោបំ ហាតព្ពំ, ឯកាគារិកំ កាតព្ពំ, បរិបន្ថេ ឋាតព្ពំ, បរទារោ គន្តព្ពោ, គាមឃាតកោ កាតព្ពោ, និគមឃាតកោ កាតព្ពោតិ? ន ហេវំ វត្តព្ពេ…បេ….

ឯកាធិប្បាយកថា និដ្ឋិតា.