២៣. តេវីសតិមវគ្គោ

(២១៩) ២. អរហន្តវណ្ណកថា

៩០៩. អរហន្តានំ វណ្ណេន អមនុស្សា មេថុនំ ធម្មំ បដិសេវន្តីតិ? អាមន្តា. អរហន្តានំ វណ្ណេន អមនុស្សា បាណំ ហនន្តិ…បេ… អទិន្នំ អាទិយន្តិ, មុសា ភណន្តិ, បិសុណំ ភណន្តិ, ផរុសំ ភណន្តិ, សម្ផំ បលបន្តិ, សន្ធិំ ឆិន្ទន្តិ, និល្លោបំ ហរន្តិ, ឯកាគារិកំ ករោន្តិ, បរិបន្ថេ តិដ្ឋន្តិ, បរទារំ គច្ឆន្តិ, គាមឃាតកំ ករោន្តិ…បេ… និគមឃាតកំ ករោន្តីតិ? ន ហេវំ វត្តព្ពេ…បេ….

អរហន្តវណ្ណកថា និដ្ឋិតា.