១២. ទ្វាទសមវគ្គោ

(១២៥) ១០. សត្តមភវិកកថា

៦៥៣. ន វត្តព្ពំ ‘‘សត្តមភវិកស្ស បុគ្គលស្ស បហីនា ទុគ្គតី’’តិ? អាមន្តា. សត្តមភវិកោ បុគ្គលោ និរយំ ឧបបជ្ជេយ្យ, តិរច្ឆានយោនិំ ឧបបជ្ជេយ្យ, បេត្តិវិសយំ ឧបបជ្ជេយ្យាតិ? ន ហេវំ វត្តព្ពេ. តេន ហិ សត្តមភវិកស្ស បុគ្គលស្ស បហីនា ទុគ្គតីតិ.

សត្តមភវិកកថា និដ្ឋិតា.

ទ្វាទសមវគ្គោ.

តស្សុទ្ទានំ –

សំវរោ កម្មំ តថេវ អសំវរោ, សព្ពកម្មំ សវិបាកំ, សទ្ទោ វិបាកោ, សឡាយតនំ វិបាកោ, សត្តក្ខត្តុបរមោ បុគ្គលោ សត្តក្ខត្តុបរមតានិយតោ, កោលង្កោលបុគ្គលោ កោលង្កោលតានិយតោ, ឯកពីជី បុគ្គលោ ឯកពីជិតានិយតោ, ទិដ្ឋិសម្បន្នោ បុគ្គលោ សញ្ចិច្ច បាណំ ជីវិតា វោរោបេយ្យ, ទិដ្ឋិសម្បន្នស្ស បុគ្គលស្ស បហីនា ទុគ្គតិ, តថេវ សត្តមភវិកស្សាតិ.