៥. វិសមវុត្តិនិទ្ទេស-បញ្ចមបរិច្ឆេទ

១១៨. ន’ដ្ឋក្ខរេសុ បាទេសុ, ស្នា’ទិម្ហា យោ’ណ្ណវា វត្តំ.

១១៩. សមេសុ សិន្ធុតោ ជេន, បថ្យាវត្តំ បកិត្តិតំ.

១២០. ឱជេសុ ជេន សិន្ធុតោ, ត’មេវ វីបរីតា’ទិ.

១២១. ន,ការោ ចេ ជលធិតោ, ចបលាវត្ត’មិច្ចេ’តំ.

១២២. សមេ លោ សត្តមោ យស្សា, វិបុលា បិង្គលស្ស សា.

១២៣. សេតវស្សា’ខិលេសុបិ.

១២៤. ភេន’ណ្ណវា ភ’ព្ពិបុលា.

១២៥. ឯវ’មញ្ញា រោ ចតុត្ថា.

១២៦. នោ’ណ្ណវា ចេ នវិបុលា.

១២៧. តោ’ណ្ណវា តថា’ញ្ញា សិយា.

វត្ត’ប្បភេទោ.

១២៨. នទិស្សតេ’ត្ថ យំ ឆន្ទំ, បយោគេ ទិស្សតេ យទិ;

វិសម’ក្ខរបាទំ តំ, គាថា សាមញ្ញនាមតោ.

ឥតិ វុត្តោទយេ ឆន្ទសិ វិសមវុត្តិ និទ្ទេសោ នាម

បញ្ចមោ បរិច្ឆេទោ.