៥. ចិត្តាគារវគ្គ, ៦. ឆដ្ឋ សិក្ខាបុច្ឆា

បុច្ឆា – អគារិកស្ស វា អាវុសោ បរិព្ពាជកស្ស វា បរិព្ពាជិកាយ វា សហត្ថា ខាទនីយំ ភោជនីយំ ទេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ថុល្លនន្ទំ ភិក្ខុនិំ អារព្ភ បញ្ញត្តំ, ថុល្លនន្ទា ភន្តេ ភិក្ខុនី អគារិកស្ស សហត្ថា ខាទនីយម្បិ ភោជនីយម្បិ អទាសិ, តស្មិំ ភន្តេ វត្ថុស្មិំ បញ្ញត្តំ.