៥. ចិត្តាគារវគ្គ, ៩-១០. នវម, ទសម សិក្ខាបុច្ឆា

បុច្ឆា – តិរច្ឆានវិជ្ជំ អាវុសោ បរិយាបុណន្តិយា ច វាចេន្តិយា ច បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយា ភិក្ខុនិយោ អារព្ភ បញ្ញត្តំ, ឆព្ពគ្គិយា ភន្តេ ភិក្ខុនិយោ តិរច្ឆានវិជ្ជំ បរិយាបុណិំសុចេវ វាចេសុញ្ច, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ភិក្ខុ បន អាវុសោ តាទិសំ តិរច្ឆានវិជ្ជំ បរិយាបុណន្តោ ច វាចេន្តោ ច កិំ នាម អាបត្តិំ អាបជ្ជតិ.

វិស្សជ្ជនា – ទុក្កដំ ភន្តេ អាបត្តិំ អាបជ្ជតិ.