២. កោសិយវគ្គ ៣. ទ្វេភាគ សិក្ខាបុច្ឆា

បុច្ឆា – អនាទិយិត្វា អាវុសោ តុលំ ឱទាតានំ តុលំ គោចរិយានំ នវំ សន្ថតំ ការាបេន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ថោកំយេវ ឱទាតំ អន្តេ អាទិយិត្វា តថេវ សុទ្ធកាឡកានំ ឯឡកលោមានំ សន្ថតំ ការាបេសុំ, តស្មិំ ភន្តេ វត្ថុស្មិំ បញ្ញត្តំ.