៥. អចេលកវគ្គ, ១. អចេលក សិក្ខាបុច្ឆា

បុច្ឆា – អចេលកស្សវា អាវុសោ បរិព្ពាជកស្សវា បរិព្ពាជិកាយវា សហត្ថា ខាទនីយំវា ភោជនីយំវា ទេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – វេសាលិយំ ភន្តេ អាយស្មន្តំ អានន្ទំ អារព្ភ បញ្ញត្តំ, អាយស្មា ភន្តេ អានន្ទោ អញ្ញតរិស្សា បរិព្ពាជិកាយ ឯកំ មញ្ញមានោ ទ្វេ បូវេ អទាសិ, តស្មិំ ភន្តេ វត្ថុស្មិំ បញ្ញត្តំ.