៥. អចេលកវគ្គ, ២. ឧយ្យោជន សិក្ខាបុច្ឆា

បុច្ឆា – ភិក្ខុំ ឯហាវុសោ គាមំវា និគមំវា បិណ្ឌាយ បវិសិស្សាមាតិ តស្ស ទាបេត្វាវា អទាបេត្វាវា ឧយ្យោជេន្តស្ស អាវុសោ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ ភិក្ខុ ឯហាវុសោ គាមំ បិណ្ឌាយ បវិសិស្សាមាតិ តស្ស អទាបេត្វា ឧយ្យោជេសិ, តស្មិំ ភន្តេ វត្ថុស្មិំ បញ្ញត្តំ.