១. មុសាវាទវគ្គ, ១. មុសាវាទ សិក្ខាបុច្ឆា

បុច្ឆា – យំ តេន អាវុសោ ភគវតា ជានតា បស្សតា អរហតា សម្មាសម្ពុទ្ធេន សម្បជានមុសាវាទេ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ, ហត្ថកំ សក្យបុត្តំ អារព្ភ បញ្ញត្តំ, ហត្ថកោ ភន្តេ សក្យបុត្តោ តិត្ថិយេហិ សទ្ធិំ សល្លបន្តោ អវជានិត្វា បដិជានាតិ បដិជានិត្វា អវជានាតិ, តស្មិំ ភន្តេ វត្ថុស្មិំ បញ្ញត្តំ.