១. មុសាវាទវគ្គោ, ២-៣. ឱមសវាទ, បេសុញ្ញ សិក្ខាបុច្ឆា

បុច្ឆា – ឱមសវាទេ បាចិត្តិយញ្ច អាវុសោ ភិក្ខុបេសុញ្ញេ បាចិត្តិយញ្ច ភគវតា កត្ថបញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ, ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខូហិ សទ្ធិំ ភណ្ឌន្តា ឱមសិំសុ តស្មិំច វត្ថុស្មិំ, ឆព្ពគ្គិយា ភន្តេ ភិក្ខូ ភិក្ខូនំ ភណ្ឌនជាតានំ កលហជាតានំ វិវាទាបន្នានំ បេសុញ្ញំ ឧបសំហរិំសុ, តស្មិំ ភន្តេ វត្ថុស្មិំ បញ្ញត្តំ.