វនសំយុត្ត

អានន្ទសុត្ត

បុច្ឆា – វនសំយុត្តេ បនាវុសោ បញ្ចមំ សំគីតំ អានន្ទសុត្តំ កទា កត្ថ កំ អារព្ភ កិស្មិំ វត្ថុស្មិំ កេន កថញ្ច ភាសិតំ.

វិស្សជ្ជនា – កោសលេសុ ភន្តេ អញ្ញតរស្មិំ វនសណ្ឌេ អចិរបរិនិព្ពុតេ ភគវតិ អាយស្មន្តំ អានន្ទំ អារព្ភ តស្មិំ វនសណ្ឌេ អធិវត្ថាយ ទេវតាយ ភាសិតំ. អាយស្មា ភន្តេ អានន្ទោ អចិរបរិនិព្ពុតេ ភគវតិ អតិវេលំ គិហិសញ្ញត្តិពហុលោ វិហរតិ, តស្មិំ ភន្តេ វត្ថុស្មិំ–

‘‘រុក្ខមូលគហនំ បសក្កិយ,

និព្ពានំ ហទយស្មិំ ឱបិយ;

ឈាយ គោតម មា បមាទោ,

កិំ តេ ពិឡិពិឡិកា ករិស្សតី’’តិ.

ឯវំ ខោ ភន្តេ វនសណ្ឌេ អធិវត្ថាយ ទេវតាយ អាយស្មតោ អានន្ទត្ថេរស្ស អនុកម្បិកាយ អត្ថកាមាយ ភាសិតំ.

រុក្ខមូល គហនំ បសក្កិយ, និព្ពានំ ហទយស្មិំ ឱបិយ;

ឈាយ គោតម មា បមាទោ, កិំ តេ ពិឡិពិឡិកា ករិស្សតិ-ហុ–