៣. អកម្មនិយវ

បុច្ឆា – តេនាវុសោ…បេ… សម្មាសម្ពុទ្ធេន អង្គុត្តរនិកាយេ ឯកកនិបាតេ តតិយេ អកម្មនិយវគ្គេ កីទិសី ធម្មទេសនាយោ ទេសិតា.

វិស្សជ្ជនា – តតិយេ ភន្តេ អកម្មនិយវគ្គេ ‘‘នាហំ ភិក្ខវេ អញ្ញំ ឯកធម្មម្បិ សមនុបស្សាមិ, យំ ឯវំ អភាវិតំ អកម្មនិយំ ហោតិ, យថយិទំ ភិក្ខវេ ចិត្តំ, ចិត្តំ ភិក្ខវេ អភាវិតំ អកម្មនិយំ ហោតិ. នាហំ ភិក្ខវេ អញ្ញំ ឯកធម្មម្បិ សមនុបស្សាមិ, យំ ឯវំ ភាវិតំ កម្មនិយំ ហោតិ, យថយិទំ ភិក្ខវេ ចិត្តំ. ចិត្តំ ភិក្ខវេ ភាវិតំ កម្មនិយំ ហោតី’’តិ ឯវមាទិកា ភគវតា ធម្មទេសនាយោ ទេសិតា.