៥៩. គមនត្ថា+កម្មកា+ធារេ ច

គមនត្ថតោ អកម្មកតោ ច ក្រិយត្ថា អាធារេ ក្តោ ហោតិ កត្តរិ ច យថាបត្តញ្ច. យា=បាបុណនេ, យាតវន្តោ អស្មិន្តិ យាតំ ឋានំ. យាតវន្តោ យាតា, យានំ យាតំ. ឯត្ថ សន្តម្បិ កម្មំ អនិច្ឆិតំ. យាយិតាតិ យាតោ បថោ. ‘‘យេ គត្យត្ថា, តេ ពុទ្ធ្យត្ថា. យេ ពុទ្ធ្យត្ថា, តេ គត្យត្ថា’’តិ វុត្តត្តា តថលក្ខណំ យាថាវតោ អាគតោ អភិសម្ពុទ្ធោតិ តថាគតោ ឥតិបិ ហោតិ. អាសិតវន្តោ អស្មិន្តិ អាសិតំ. អាសិតវន្តោ អាសិតា. អាសន+មាសិតំ.