១៧១. រា នស្ស ណោ

រន្តតោ ក្រិយត្ថា បច្ចយនការស្ស ណ ហោតិ. ករណីយោ.

ភរ=ភរណេ, ភរីយតីតិ ភរិតព្ពោ ភរណីយោ. គហ=ឧបាទានេ ‘‘មំ វា រុធាទីនំ’’តិ អន្តសរា បរោមំ វា ហោតិ. មការោ+នុពន្ធោ. ‘‘ណោ និគ្គហីតស្សា’’តិ និគ្គហីតស្ស ណោ, សំគយ្ហតីតិ សំគណ្ហិតព្ពោ សំគណ្ហនីយោ, ‘‘តថនរា’’ទិនា ណការេ គហណីយោ. រម=កីឡាយំ, រមីយតីតិ រមណីយោ វិហារោ. អាប=បាបុណនេ, ‘‘សកាបានំ កុកកូ ណេ’’តិ ឯត្ថ ‘សកាបានំ កុក+កូ’តិ យោគវិភាគា កុ, ឩអាគមេ នាគមស្ស ណេ ច កតេ បាបីយតីតិ បាបុណិតព្ពោ. បររូបេ បត្តព្ពោ, បាបុណនីយោ, បាបនីយោ.