១,១៥. ចុរាទិតោ ណិ

ចុរាទីហិ ក្រិយត្ថេហិ សកត្ថេ ណិ បរោ ហោតិ. ‘‘ណិណាប្យាបីហិ វា’’តិ វិកប្បេន លោ. ធនំ ចោរយតិ ចោរេតិ ឥច្ចាទិ. កម្មេ-ចោរីយតិ ឥច្ចាទិ. ចោរយិស្សតិ ចោរេស្សតិ ឥច្ចាទិ. កម្មេ-ចោរីយិស្សតិ ឥច្ចាទិ. អចោរយិ ចោរយិ អចោរេសិ ចោរេសិ ឥច្ចាទិ. អចោរយិស្ស ឥច្ចាទិ. កម្មេ-អចោរីយិស្ស ឥច្ចាទិ. ចោរយេ ចោរយេយ្យ ឥច្ចាទិ. ចោរេតុ ចោរេន្តុ ឥច្ចាទិ.

ចិន្ត=ចិន្តាយំ, សំយោគត្តា ន វុទ្ធិ, ចិន្តេតិ ចិន្តយតិ, ចិន្តេន្តិ. កម្មេ-ចិន្តីយតិ, ចិន្តីយន្តិ ឥច្ចាទិ. មន្ត=គុត្តភាសនេ, មន្តេតិ មន្តយតិ ឥច្ចាទិ. បាល=រក្ខណេ, សោ ធម្មំ បាលេតិ បាលយតិ. តេន បាលីយតិ+ច្ចាទិ. (ចុរាទិនយោ).

ភូវាទិ ច រុធាទិ ច, ទិវាទិ ច តុទាទយោ;

ជ្យាទី កិយាទី ស្វាទី ច, តនាទី ច ចុរាទយោ.

(វិករណវិធានំ).