២១. សំខ្យាទិ

ឯកត្ថេ សមាហារេ សំខ្យាទិ នបុំសកលិង្គំ ភវតិ. តយោ លោកា សមាហដា=ចិត្តេន សម្បិណ្ឌិតា, តិណ្ណំ លោកានំ សមាហារោតិ វា វាក្យេ វិសេសនសមាសេ កតេ ឥមិនា នបុំសកត្តំ ភវតិ. សមាហារស្សេ+កត្តា ឯកវចនមេវ, តិលោកំ, ភោ តិលោក, តិលោកំ, តិលោកេន ឥច្ចាទិ. ឯវំ តយោ ទណ្ឌា តិទណ្ឌំ, តីណិ មលានិ សមាហដានិ, តិណ្ណំ មលានំ សមាហារោតិ វា តិមលំ, តិលក្ខណំ, ចតុសច្ចំ, បញ្ចសិក្ខាបទំ, ឆដ្ឋាយតនំ, សត្តាហំ, អដ្ឋសីលំ, នវលោកុត្តរំ, ទសសីលំ, សតយោជនំ. ទ្វេ រត្តិយោ សមាហដា ទ្វិរត្តំ.