២០៨. ចតុរោ វា ចតុស្ស

ចតុស្ស សវិភត្តិស្ស យោម្ហិ ចតុរោ ហោតិ វា បុល្លិង្គេ. ចតុរោ ចត្តារោ. កថំ ‘‘ចតុរោ និមិត្តេ នាទ្ទសាសិ’’ន្តិ, លិង្គវិបល្លាសេន សិទ្ធំ, ចត្តារិ និមិត្តានីតិ អត្ថោ. វិបល្លាសោ តិវិធោ លិង្គវិបល្លាសោ វចនវិបល្លាសោ វិភត្តិវិបល្លាសោតិ. ចតូហិ ចតូភិ. ចតុន្នំ, ចតូសុ.

ឥត្ថិយំ ចតស្សោ. ចតស្សោ. ចតូហិ ចតូភិ. ចតស្សន្នំ. ចតស្សន្នំ. ចតូសុ.

នបុំសកេ ចត្តារិ. ចត្តារិ. ចតូហិ ចតូភិ. ឥច្ចាទិ បុមេវ.