១០៥. បទាទីហិ

បទាទីហិ ស្មិនោ សិ ហោតិ វា. បទសិ បទេ បទម្ហិ បទស្មិំ, បទេសុ. ឯវំ ពិលសទ្ទោ.

កម្មសទ្ទតោ នាស្ស ‘‘នាស្សេ+នោ’’តិ ឯនោ វា, កម្មេន, ‘‘បុមកម្មថាមា’’ទិនា ឧត្តេ កម្មុនា កម្មនា. ឥមិនាវ សស្មាសុ ឧត្តំ, ឧស្ស លសញ្ញាយំ ស+ស្មានំ យថាយោគំ នោ+នា និច្ចំ, វវត្ថិតវិភាសត្តា វាធិការស្ស. កម្មុនោ កម្មស្ស. កម្មុនា កម្មា កម្មម្ហា កម្មស្មា. ‘‘កម្មាទិតោ’’តិ ស្មិនោ វា និម្ហិ កម្មនិ កម្មេ កម្មម្ហិ កម្មស្មិំ, សេសំ នបុំសកសមំ. ចម្ម+វេស្ម+ភស្មាទយោ កម្មសមា ឧត្តតោ+ញ្ញត្រ.

គច្ឆន្ត, សិ. ‘‘ន្តស្សំ’’តិ វា អំម្ហិ សិលោបោ គច្ឆំ. អញ្ញត្រ សិស្ស ទំ, គច្ឆន្តំ, គច្ឆន្តា គច្ឆន្តានិ. ភោ គច្ឆ គច្ឆា គច្ឆំ, គច្ឆន្តា គច្ឆន្តានិ. គច្ឆំ គច្ឆន្តំ, គច្ឆន្តេ គច្ឆន្តានិ. គច្ឆតា គច្ឆន្តេនេ+ច្ចាទិ បុល្លិង្គសមំ. ឯវំ យជន្ត+វជន្តាទយោ.

អការន្តំ.

អដ្ឋិ, សិលោបោ.