១៥៣. ហិមវតោ វា ឱ

ហិមវតោ សិម្ហិ ន្តុស្ស ឱ វា ហោតិ, ហិមវន្តោ ហិមវា. សេសំ បុរិមសមំ.

អាយស្មន្តុសទ្ទោ កម្មវាចាយ ក្វចិ ពហុលាធិការា ទ្វិវចនេន អាយស្មន្តា, តិណ្ណំ វចនេន អាយស្មន្តោតិ ទិស្សតិ.

ឯវំ សតិមា ធិតិមា គតិមា មុតិមា មតិមា ជុតិមា សិរិមា ហិរិមា ថុតិមា រតិមា យតិមា សុចិមា កលិមា ពលិមា កសិមា រុចិមា ពុទ្ធិមា ចក្ខុមា ពន្ធុមា ហេតុមា សេតុមា កេតុមា រាហុមា ភាណុមា ខាណុមា វិជ្ជុមា ឥច្ចាទយោ.

ឧការន្តំ.

វេស្សភូ សិលោបោ. តេ ច រស្សាភាវោវ វិសេសោ. ‘‘ឯកវចនយោស្វ+ឃោនំ’’តិ រស្សេ ‘‘លា យោនំ វោ បុមេ’’តិ វោ, វេស្សភុវោ, ‘‘វេវោសុ លុស្សា’’តិ វុត្តត្តា ន ដាទេសោ, ‘‘លោបោតិ យោលោបេ វេស្សភូ. ‘‘គេ វា’’តិ វា រស្សេ ភោ វេស្សភុ វេស្សភូ, វេស្សភុវោ វេស្សភូ. វេស្សភុំ, វេស្សភុវោ វេស្សភូ. វេស្សភុនា ឥច្ចាទិ ភិក្ខុសមំ. ឯវំ សយម្ភូ បរាភិភូ អភិភូអាទយោ. គោត្រភូ+សហភូសទ្ទេហិ បន យោនំ ‘‘ជន្ត្វាទិតោ នោ វា’’តិ នោ, វោ វា, គោត្រភុនោ គោត្រភុវោ គោត្រភូ. សហភុនោ សហភុវោ សហភូ, សេសំ វេស្សភូសមំ.