៨៥. កូតោ

កូបច្ចយន្តតោ យោនំ នោ វា ហោតិ បុល្លិង្គេ. សព្ពញ្ញុនោ. អញ្ញត្រ ‘‘លា យោនំ វោ បុមេ’’តិ ន វោ, ‘‘កូតោ’’តិ ជន្ត្វាទីហិ បុថក្ករណា. យោលោបេ សព្ពញ្ញូ. ភោ សព្ពញ្ញុ សព្ពញ្ញូ, សព្ពញ្ញុនោ សព្ពញ្ញូ ឥច្ចាទិ.

ឯវំ មគ្គញ្ញូ ធម្មញ្ញូ អត្ថញ្ញូ កាលញ្ញូ រត្តញ្ញូ មត្តញ្ញូ កតញ្ញូ កថញ្ញូ វិញ្ញូ វិទូ ឥច្ចាទយោ. ឯត្ថ ‘‘វិទា កូ’’ ‘‘វិតោ ញាតោ’’ ‘‘កម្មា’’តិ តីសុ សុត្តេសុ កូបច្ចយស្ស គហិតត្តា វេទគូអាទយោ រូបច្ចយន្តា ន គហិតា.

ឩការន្តំ.

គោ, សិ, សិលោបោ. គោ.