៥. បយ្យបាពហិតិរោ បុរេបច្ឆាវាបញ្ចម្យា

បញ្ចម្យាតិ កស្មា វុត្តំ ននុ អវុត្តេបិ តស្មិំ វក្ខមាននយេន បញ្ចម្យន្តត្តា បញ្ចម្យន្តេហេវ សមាសោ វិញ្ញាយតីត្យាសង្កិយាហ‘យទិបិ’ច្ចាទិ. តថាបិច្ចាទិនា បរិហរតិ, ហោតុ កាមំ ‘បរិបព្ពតំ វិជ្ជោតតេ’តិ ទុតិយានិសេធាយ, អញ្ញត្រ កថន្តិ អាហ ‘ឥហ ចេ’ត្យាទិ.

អាចត្តារោ វាតិ អាសទ្ទោ វាក្យេ, សរណេ វា, គាមោ ពហិ តិដ្ឋតីត្យត្ថោ, បុរតោ គាមម្បស្សាតិ វទន្តោ បុរេត្យត្ថប្បឃានោយន្និទ្ទេសោ, នសរូបប្បធានោតិ ទស្សេតិ, អភិមុខេ គាមម្បស្សាត្យត្ថោ. អវុត្តានមេតាន្យុបលក្ខណានិ, តស្មា ‘តិរោ គាមម្បស្សា’តិបិ វុត្តំ ហោតិ, តិរិយតោ គាមម្បស្ស, បច្ឆតោ គាមម្បស្សាតិ អត្ថោ.

អបសទ្ទយោគេ និច្ចបញ្ចន្តស្ស វិកប្បេន សមាសវិធានាវាភវនេនោទាហរណំ ទិន្នំ (ឯត្ថ) បញ្ចម្យាតិ បយោជនាភាវេបិ អញ្ញទត្ថំ ករិយមានមិហាប្យត្ថវន្តំ ហោតិ.