១៣. កុបា

ស្យាទិវិធិនោតិ ការកវិភត្តិវិធានតោ វិសុំ ឥត្ថម្ភូតាទីសុវិធានា ស្យាទិវិធីតិសង្ខំ គតស្ស ស្យាទិវិធិនោ, អស្យាទិវិធិម្ហីតិ បរិយុទាសោ-នត្ថកោតិ ចោទេន្តោ អាហ ‘នន្វិ’ច្ចាទិ, អនត្ថកំ ភវេយ្យ… លក្ខណាទ្យត្ថានំ សមាសេ គុណីភូតត្តា សមាសតោ កិរិយាសម្ពន្ធានុរូបវិភត្តិយត្ថស្ស បធានភាវតោ, បរិហរតិ ‘នយិទមេវ’មិច្ចាទិនា. ‘‘អនុនា’’តិ (២-១០) វិច្ឆាយមនុនា យោគេ ទុតិយា វិធានសាមត្ថិយា វាក្យម្បិ ហោតិ, អញ្ញថា និច្ចសមាសេ ទុតិយា វិធានមនត្ថកន្តិ ភាវោ, និគមយតិ តស្មាឥច្ចាទិនា, ‘‘កុ បាបត្ថេ’’តិ បរេសំ គណបាឋោ, ឯវមុបរិបិ ‘‘ទុនិន្ទាយំ’’ត្យាទិ វេទិតព្ពំ.