២០៤. នម្ហិ

ននុ យថាក្កមំ នំវិភត្តិក្កមេនាបិ សម្ភវតិ, តថាសតិ ‘ទ្វិន្នំ សទ្ទានំ ទ្វេអាទេសា កមេនេ’ច្ចេវ កស្មា វុត្តំ ត្យាសង្កិយាហ ‘ន នំវិភត្តិក្កមេនាបី’តិ. ការណមាហ- ‘តស្សានបេក្ខិតត្តា’តិ, ឥមិនា និស្សយករណមេកា សត្ថិយា យុត្តីតិ ទស្សេតិ, អបេក្ខិតេ កថំ ភវេយ្យា ត្យាហ- ‘យទិ ហិ’ច្ចាទិ, អបេក្ខិតិ យថាក្កមំ, ឯវមញ្ញតេ ‘‘កិញ្ចាបិ ជាតិនិទ្ទេសេន ទ្វេបិ នំ រូបានិ គយ្ហន្តិ, តថាបិ ‘តិចតុន្ន’ន្តិ វិយ ព្យត្តិនិទ្ទេសោវ យថាក្កមោបការីយមានាន, មនុទេសស្ស តថា វិញ្ញយមានត្តាតិ នំសុឥច្ចេវ វទេយ្យ, ន តថា វុត្តំ, តតោ-វសីយតេ ‘ន យថាក្កមមេត្ថាបេក្ខិត’ន្តិ.