១២. ហីនេ

វិសយភាវេនាតិអាទិនា ហីនត្ថេតិ វិសយសត្តមិត្តមាហ, វិជាននប្បការមាហ-‘ហីនេ’ច្ចាទិ, តេនាតិ អនុនា, កថំ តេន យុត្តត្តំ ឧក្កដ្ឋស្សាតិ ហីនុក្កដ្ឋសម្ពន្ធមុខេន វិភាវេន្តោ’តត្ថា’តិអាទិមាហ, តត្ថាតិ ហីនេច្ចាទិនា វុត្តេ តស្មិំ, យតោតិ ឧក្កដ្ឋសារិបុត្តាទិកោ, ហីនោតិ បញ្ញវត្តាទិ(តោ និក្កដ្ឋោ, សោ សារិបុត្តាទិកោ ឧក្កដ្ឋោ) ហីនត្ថវិសយោ ជាយតេ… តព្ពិសយេ តស្ស ឧក្កដ្ឋតា បត្តិតោ, ហីនុក្កដ្ឋសម្ពន្ធោ បន អតិសាយនាទិកាយ កាយចិ កិរិយាយ កតោតិ ទដ្ឋព្ពំ.