១៤. សត្ត

កិន្តំ អាធិក្យមិច្ចាហ- ‘អធិកាធិកីសម្ពន្ធោ’តិ, អធិកោ អស្ស អត្ថីតិ អធិកី=ខារី, អថាធិកីវិនិមុត្តេ អធិកាធិកិសម្ពន្ធោ កថមវសីយតេ នហ្យត្រាធិកី កោចិ សូយតិច្ចាហ-‘នវិនេ’ច្ចាទិ, ឥតិ សទ្ទោ ហេតុម្ហិ យថាវុត្តសម្ពន្ធសាធនោ, តទោបសទ្ទេនយោគោតិ តទា ឧបសទ្ទេនាធិកិនោយោគោតិ អត្ថោ. ទ្វិដ្ឋត្តា សម្ពន្ធស្ស អធិកស្សាប្យុបសទ្ទេន យោគា តតោបិ កស្មា ន សត្តមីត្យាហ-‘អធិកម្ហាត្វិ’ច្ចាទិ, យថា ឯកាយេវ វិភត្តិយា ឧភយគតស្សាបិ សម្ពន្ធស្ស ជោតិតត្តា វិជ្ជុសង្ខាតលក្ខិយា សត្តម្យភាវោ, ឯវមិធា បីតិ បុព្ពេ វុត្តសមាធិមតិទិសន្តោ អាហ-‘លក្ខិតា វិយ សត្តម្យ ភាវោ’តិ, ‘‘មាណិកា ចតុរោទោណា, ខារិត្ថី ចតុមាណិកា’’.