បុត្តកណ្ឌ

២៨១. អភិជាតំ អនុជាតំ, បុត្តមិច្ឆន្តិ បណ្ឌិតា;

អវជាតំ ន ឥច្ឆន្តិ, យោ ហោតិ កុលគន្ធនោ.

២៨២. បញ្ចដ្ឋានានិ សម្បស្សំ, បុត្តមិច្ឆន្តិ បណ្ឌិតា;

ភតោ វា នោ ភរិស្សតិ, កិច្ចំ វា នោ ករិស្សតិ.

២៨៣. កុលវំសោ ចិរំ តិដ្ឋេ, ទាយជ្ជំ បដិបជ្ជតិ;

អថ វា បន បេតានំ, ទក្ខិនំ អនុបទស្សតិ.

២៨៤. ពហុបុត្តេ បិតា ឯកោ, អវស្សំ បោសេតិ សទា;

ពហុបុត្តា ន សក្កោន្តិ, បោសេតុំ បិតរេកកំ.

២៨៥. បុត្តំ វា ភាតរំ ទុដ្ឋុ, អនុសាសេយ្យ នោ ជហេ;

កិន្នុ ឆេជ្ជំ ករំ បាទំ, លិត្តំ អសុចិនា សិយា.