វេជ្ជាចរិយ កណ្ឌ

២៨៦. អាយុពេទកតាភ្យាសោ, សព្ពេសំ បិយទស្សនោ;

អរិយសីលគុណោបេតោ, ឯស វេជ្ជោ វិធីយតេ.

២៨៧. នានាគន្ថជាននញ្ច, សុទិដ្ឋកម្មសម្បទា;

ទក្ខតា ហត្ថសីឃតា, បសាទសូរសត្តិតា.

២៨៨. សាភាវិកតង្ខណិក-ញាណសុភាសិតាបិ ច;

ឧស្សាហោ ទព្ពោ សព្ពតា, វេជ្ជាចេរស្ស លក្ខណំ;

២៨៩. កិលិដ្ឋវត្ថំ កោធោ ច, អតិមានញ្ច គម្មតា;

អនិមន្តិតគមនំ, ឯតេ បញ្ច វិវជ្ជិយា.

២៩០. ទិដ្ឋកម្មតា សោចញ្ច, ទក្ខតា វិទិតាគមោ;

ចត្តារោ សុភិសក្កស្ស, សុគុណា វិញ្ញុនា មតា.

២៩១. រុជាយ ជយលក្ខណំ, រសោ ច ភេសជ្ជម្បិ ច;

តិលក្ខណភេទោ ចេវ, វិញ្ញេយ្យោ ភិសក្កេន វេ.