៧. អប្បំសុបតិសុត្តំ

១៣៧. ‘‘បញ្ចិមេ, ភិក្ខវេ, អប្បំ រត្តិយា សុបន្តិ, ពហុំ ជគ្គន្តិ. កតមេ បញ្ច? ឥត្ថី, ភិក្ខវេ, បុរិសាធិប្បាយា អប្បំ រត្តិយា សុបតិ, ពហុំ ជគ្គតិ. បុរិសោ, ភិក្ខវេ, ឥត្ថាធិប្បាយោ អប្បំ រត្តិយា សុបតិ, ពហុំ ជគ្គតិ. ចោរោ, ភិក្ខវេ, អាទានាធិប្បាយោ អប្បំ រត្តិយា សុបតិ, ពហុំ ជគ្គតិ. រាជា [រាជយុត្តោ (បី. ក.)], ភិក្ខវេ, រាជករណីយេសុ យុត្តោ អប្បំ រត្តិយា សុបតិ, ពហុំ ជគ្គតិ. ភិក្ខុ, ភិក្ខវេ, វិសំយោគាធិប្បាយោ អប្បំ រត្តិយា សុបតិ, ពហុំ ជគ្គតិ. ឥមេ ខោ, ភិក្ខវេ, បញ្ច អប្បំ រត្តិយា សុបន្តិ, ពហុំ ជគ្គន្តី’’តិ. សត្តមំ.