੨. ਪਚ੍ਚਨੀਕਾਨੁਲੋਮਵਣ੍ਣਨਾ

੧੪. ਅਨੁਲੋਮਪਞ੍ਚਕਸ੍ਸਾਤਿਆਦਿਮ੍ਹਿ ਅਟ੍ਠਕਥਾਵਚਨੇ. ਪੁਨ ਤਤ੍ਥਾਤਿ ਯਥਾਵੁਤ੍ਤੇ ਅਟ੍ਠਕਥਾਵਚਨੇ, ਤੇਸੁ ਵਾ ਅਨੁਲੋਮਪਞ੍ਚਕਪਚ੍ਚਨੀਕੇਸੁ. ਸਬ੍ਬਤ੍ਥ ਪੁਗ੍ਗਲੋ ਨੁਪਲਬ੍ਭਤੀਤਿਆਦਿਕਸ੍ਸ ਪਾਠਪ੍ਪਦੇਸਸ੍ਸ ਅਤ੍ਥੋ ‘‘ਸਰੀਰਂ ਸਨ੍ਧਾਯਾ’’ਤਿਆਦਿਨਾ ਅਟ੍ਠਕਥਾਯਂ ਵੁਤ੍ਤਨਯੇਨ ਵੇਦਿਤਬ੍ਬੋ ਅਤ੍ਥੋ. ਪਟਿਕਮ੍ਮਾਦਿਪਾਲ਼ਿਨ੍ਤਿ ਪਟਿਕਮ੍ਮਨਿਗ੍ਗਹਉਪਨਯਨਨਿਗਮਨਪਾਲ਼ਿਂ. ਤੀਸੁ ਮੁਖੇਸੂਤਿ ‘‘ਸਬ੍ਬਤ੍ਥਾ’’ਤਿਆਦਿਨਾ ਵੁਤ੍ਤੇਸੁ ਤੀਸੁ ਵਾਦਮੁਖੇਸੁ. ਪਚ੍ਚਨੀਕਸ੍ਸ ਪਾਲ਼ਿ ਵੁਤ੍ਤਾਤਿ ਸਮ੍ਬਨ੍ਧੋ. ਤਨ੍ਤਿ ਪਾਲ਼ਿਂ. ਸਙ੍ਖਿਪਿਤ੍ਵਾ ਆਗਤਤ੍ਤਾ ਸਰੂਪੇਨ ਅਵੁਤ੍ਤੇ. ਸੁਦ੍ਧਿਕ…ਪੇ… ਵੁਤ੍ਤਂ ਹੋਤਿ ਤਤ੍ਥ ‘‘ਸਬ੍ਬਤ੍ਥਾ’’ਤਿਆਦਿਨਾ ਸਰੀਰਾਦਿਨੋ ਪਰਾਮਸਨਂ ਨਤ੍ਥਿ, ਇਧ ਅਤ੍ਥੀਤਿ ਅਯਮੇਵ ਵਿਸੇਸੋ, ਅਞ੍ਞਂ ਸਮਾਨਨ੍ਤਿ.

ਸਚ੍ਚਿਕਟ੍ਠਵਣ੍ਣਨਾ ਨਿਟ੍ਠਿਤਾ.