੮. ਨਿਯਾਮੋਕ੍ਕਨ੍ਤਿਕਥਾਵਣ੍ਣਨਾ

੪੦੩. ਪਾਰਮੀਪੂਰਣਨ੍ਤਿ ਇਦਂ ਬੋਧਿਚਰਿਯਾਯ ਉਪਲਕ੍ਖਣਂ, ਨ ਪਾਰਮੀਨਂ ਪੁਣ੍ਣਭਾਵਦਸ੍ਸਨਂ. ਤੇਨ ਤੇਸਂ ਆਰਮ੍ਭਸਮਾਦਾਨਾਦੀਨਮ੍ਪਿ ਸਙ੍ਗਹੋ ਕਤੋਤਿ ਦਟ੍ਠਬ੍ਬਂ. ਮਹਾਭਿਨੀਹਾਰਤੋ ਪਟ੍ਠਾਯ ਹਿ ਮਹਾਸਤ੍ਤਾ ਨਿਯਤਾਤਿ ਵੁਚ੍ਚਨ੍ਤਿ. ਯਥਾਹ – ‘‘ਏਵਂ ਸਬ੍ਬਙ੍ਗਸਮ੍ਪਨ੍ਨਾ, ਬੋਧਿਯਾ ਨਿਯਤਾ ਨਰਾ’’ਤਿ, ‘‘ਧੁਵਂ ਬੁਦ੍ਧੋ ਭਵਿਸ੍ਸਤੀ’’ਤਿ ਚ, ਨ ਨਿਯਾਮਸ੍ਸ ਨਾਮ ਕਸ੍ਸਚਿ ਧਮ੍ਮਸ੍ਸ ਉਪ੍ਪਨ੍ਨਤ੍ਤਾ ਬ੍ਯਾਕਰੋਨ੍ਤਿ, ਅਥ ਖੋ ਏਕਂਸੇਨਾਯਂ ਪਾਰਮਿਯੋ ਪੂਰੇਤ੍ਵਾ ਬੁਦ੍ਧੋ ਭਵਿਸ੍ਸਤੀਤਿ ਕਤ੍ਵਾ ਬ੍ਯਾਕਰੋਨ੍ਤੀਤਿ ਪਰਵਾਦੀਪਰਿਕਪ੍ਪਿਤਂ ਧਮ੍ਮਨ੍ਤਰਂ ਪਟਿਸੇਧੇਤਿ, ਨ ਬੋਧਿਯਾ ਨਿਯਤਤ੍ਤਂ. ਤੇਨਾਹ ‘‘ਕੇਵਲਞ੍ਹਿ ਨ’’ਨ੍ਤਿਆਦਿ.

ਨਿਯਾਮੋਕ੍ਕਨ੍ਤਿਕਥਾਵਣ੍ਣਨਾ ਨਿਟ੍ਠਿਤਾ.