੨. ਅਰਿਯਪੁਗ੍ਗਲਸਂਸਨ੍ਦਨਪਰਿਹਾਨਿਕਥਾਵਣ੍ਣਨਾ

੨੪੧. ਤਤੋਤਿ ਅਰਹਤ੍ਤਤੋ. ਤਤ੍ਥਾਤਿ ਦਸ੍ਸਨਮਗ੍ਗਫਲੇ. ਵਾਯਾਮੇਨਾਤਿ ਵਿਪਸ੍ਸਨੁਸ੍ਸਾਹਨੇਨ. ਤਦਨਨ੍ਤਰਨ੍ਤਿ ਸੋਤਾਪਤ੍ਤਿਫਲਾਨਨ੍ਤਰਂ. ਪਠਮਂ ਦਸ੍ਸਨਮਗ੍ਗਫਲਾਨਨ੍ਤਰਂ ਅਰਹਤ੍ਤਂ ਪਾਪੁਣਾਤਿ, ਤਤੋ ਪਰਿਹੀਨੋ ਪੁਨ ਵਾਯਮਨ੍ਤੋ ਤਦਨਨ੍ਤਰਂ ਨ ਅਰਹਤ੍ਤਂ ਪਾਪੁਣਾਤੀਤਿ ਕਾ ਏਤ੍ਥ ਯੁਤ੍ਤੀਤਿ ਅਧਿਪ੍ਪਾਯੋ. ਪਰਵਾਦੀ ਨਾਮ ਯੁਤ੍ਤਮ੍ਪਿ ਵਦਤਿ ਅਯੁਤ੍ਤਮ੍ਪੀਤਿ ਕਿਂ ਤਸ੍ਸ ਵਾਦੇ ਯੁਤ੍ਤਿਗਵੇਸਨਾਯਾਤਿ ਪਨ ਦਟ੍ਠਬ੍ਬਂ. ਅਪਰਿਹਾਨਸਭਾਵੋ ਭਾਵਨਾਮਗ੍ਗੋ ਅਰਿਯਮਗ੍ਗਤ੍ਤਾ ਦਸ੍ਸਨਾਦਸ੍ਸਨਮਗ੍ਗੋ ਵਿਯ. ਨ ਚੇਤ੍ਥ ਅਸਿਦ੍ਧਤਾਸਙ੍ਕਾ ਲੋਕੁਤ੍ਤਰਮਗ੍ਗਸ੍ਸ ਪਰਸ੍ਸਪਿ ਅਰਿਯਮਗ੍ਗਭਾਵਸ੍ਸ ਸਿਦ੍ਧਤ੍ਤਾ, ਨਾਪਿ ਲੋਕਿਯਮਗ੍ਗੇਨ ਅਨੇਕਨ੍ਤਿਕਤਾ ਅਰਿਯਸਦ੍ਦੇਨ ਵਿਸੇਸਿਤਤ੍ਤਾ. ਤਥਾ ਨ ਵਿਰੁਦ੍ਧਤਾ ਦੁਤਿਯਮਗ੍ਗਾਦੀਨਂ ਭਾਵਨਾਮਗ੍ਗਭਾਵਸ੍ਸ ਓਲ਼ਾਰਿਕਕਿਲੇਸਪ੍ਪਹਾਨਾਦੀਨਞ੍ਚ ਪਰਸ੍ਸਪਿ ਆਗਮਤੋ ਸਿਦ੍ਧਤ੍ਤਾ.

ਅਰਿਯਪੁਗ੍ਗਲਸਂਸਨ੍ਦਨਪਰਿਹਾਨਿਕਥਾਵਣ੍ਣਨਾ ਨਿਟ੍ਠਿਤਾ.