੯. ਚਕ੍ਖੁਨਾਰੂਪਂਪਸ੍ਸਤੀਤਿਕਥਾਵਣ੍ਣਨਾ

੮੨੬-੮੨੭. ‘‘ਚਕ੍ਖੁਨਾ ਰੂਪਂ ਦਿਸ੍ਵਾ’’ਤਿ ਇਮਿਨਾ ਚਕ੍ਖੁਵਿਞ੍ਞਾਣੇਨ ਪਟਿਜਾਨਨਸ੍ਸ ਅਗ੍ਗਹਣੇ ਅਰੁਚਿਂ ਸੂਚੇਨ੍ਤੋ ਆਹ ‘‘ਮਨੋਵਿਞ੍ਞਾਣਪਟਿਜਾਨਨਂ ਕਿਰ ਸਨ੍ਧਾਯਾ’’ਤਿ. ਤੇਨੇਵਾਹ ‘‘ਮਨੋਵਿਞ੍ਞਾਣਪਟਿਜਾਨਨਂ ਪਨਾ’’ਤਿਆਦਿ. ਤਸ੍ਮਾਤਿ ਮਨੋਵਿਞ੍ਞਾਣਪਟਿਜਾਨਨਸ੍ਸੇਵ ਅਧਿਪ੍ਪੇਤਤ੍ਤਾਤਿ ਅਤ੍ਥੋ. ਏਵਂ ਸਨ੍ਤੇਤਿ ਯਦਿ ਰੂਪੇਨ ਰੂਪਂ ਪਟਿਵਿਜਾਨਾਤਿ, ਰੂਪਂ ਪਟਿਵਿਜਾਨਨ੍ਤਮ੍ਪਿ ਮਨੋਵਿਞ੍ਞਾਣਂ ਰੂਪਵਿਜਾਨਨਂ ਹੋਤਿ, ਨ ਰੂਪਦਸ੍ਸਨਨ੍ਤਿ ਆਹ ‘‘ਮਨੋਵਿਞ੍ਞਾਣਪਟਿਜਾਨਨਂ ਪਨ ਰੂਪਦਸ੍ਸਨਂ ਕਥਂ ਹੋਤੀ’’ਤਿ.

ਚਕ੍ਖੁਨਾਰੂਪਂਪਸ੍ਸਤੀਤਿਕਥਾਵਣ੍ਣਨਾ ਨਿਟ੍ਠਿਤਾ.

ਅਟ੍ਠਾਰਸਮਵਗ੍ਗਵਣ੍ਣਨਾ ਨਿਟ੍ਠਿਤਾ.