੧੦. ਪਞ੍ਞਤ੍ਤਾਨੁਯੋਗਵਣ੍ਣਨਾ

੬੧-੬੬. ਰੂਪਕਾਯਾਵਿਰਹਂ ਸਨ੍ਧਾਯ ਆਹ, ਨ ਰੂਪਤਣ੍ਹਾਸਬ੍ਭਾਵਂ. ਤਥਾ ਸਤਿ ਅਨੇਕਨ੍ਤਿਕਤ੍ਤਾ ਪਟਿਕ੍ਖਿਪਿਤਬ੍ਬਮੇਵ ਸਿਯਾ, ਨ ਅਨੁਜਾਨਿਤਬ੍ਬਨ੍ਤਿ. ‘‘ਅਤ੍ਥਿਤਾਯਾ’’ਤਿ ਆਹਾਤਿ ਸਮ੍ਬਨ੍ਧੋ. ਕਾਮੀਭਾਵਸ੍ਸ ਅਨੇਕਨ੍ਤਿਕਤ੍ਤਾ ਕਸ੍ਸਚਿ ਕਾਮਧਾਤੂਪਪਨ੍ਨਸ੍ਸ ਕਾਮਧਾਤੁਯਾ ਆਯਤ੍ਤਤ੍ਤਾਭਾਵਤੋ ਚ ਕਦਾਚਿ ਭਾਵਸ੍ਸੇਵਾਤਿ ਯੋਜਨਾ.

੬੭. ਕਾਯਾਨੁਪਸ੍ਸਨਾਯਾਤਿ ਕਾਯਾਨੁਪਸ੍ਸਨਾਦੇਸਨਾਯ. ਸਾ ਹਿ ਕਾਯਕਾਯਾਨੁਪਸ੍ਸੀਨਂ ਵਿਭਾਗਗ੍ਗਹਣਸ੍ਸ ਕਾਰਣਭੂਤਾ, ਕਾਯਾਨੁਪਸ੍ਸਨਾ ਏਵ ਵਾ. ਏਵਂਲਦ੍ਧਿਕਤ੍ਤਾਤਿ ਅਞ੍ਞੋ ਕਾਯੋ ਅਞ੍ਞੋ ਪੁਗ੍ਗਲੋਤਿ ਏਵਂਲਦ੍ਧਿਕਤ੍ਤਾ. ਆਹਚ੍ਚ ਭਾਸਿਤਨ੍ਤਿ ਠਾਨਕਰਣਾਨਿ ਆਹਨ੍ਤ੍ਵਾ ਕਥਿਤਂ, ਭਗਵਤਾ ਸਾਮਂ ਦੇਸਿਤਨ੍ਤਿ ਅਤ੍ਥੋ.

ਪਞ੍ਞਤ੍ਤਾਨੁਯੋਗਵਣ੍ਣਨਾ ਨਿਟ੍ਠਿਤਾ.