੯. ਧਮ੍ਮਟ੍ਠਿਤਤਾਕਥਾਵਣ੍ਣਨਾ

੬੨੭. ਅਵਿਜ੍ਜਾਯ ਯਾ ਠਿਤਤਾਤਿ ਅਵਿਜ੍ਜਾਯ ਸਙ੍ਖਾਰਾਨਂ ਅਨਨ੍ਤਰਪਚ੍ਚਯਭਾਵੇ ਯਾ ਨਿਯਤਤਾ ਧਮ੍ਮਨਿਯਾਮਤਾਸਙ੍ਖਾਤਾ, ਯਾ ਠਿਤਸਭਾਵਤਾ ਨਿਪ੍ਫਨ੍ਨਾ, ਨ ਧਮ੍ਮਮਤ੍ਤਤਾਟ੍ਠਿਤਤਾਯ ਨਿਪ੍ਫਨ੍ਨਾਯ ਵਸੇਨ, ਅਨਨ੍ਤਰਪਚ੍ਚਯਭਾਵਸਙ੍ਖਾਤਾ ਠਿਤਤਾ ਪਚ੍ਚਯਤਾ ਹੋਤੀਤਿ ਅਤ੍ਥੋ. ਅਞ੍ਞਮਞ੍ਞਪਚ੍ਚਯਭਾਵਰਹਿਤਸ੍ਸਾਤਿ ਇਦਂ ਸਹਜਾਤਨਿਸ੍ਸਯਾਦਿਪਚ੍ਚਯਾਨਂ ਪਟਿਕ੍ਖੇਪਪਦਂ ਦਟ੍ਠਬ੍ਬਂ, ਨ ਅਞ੍ਞਮਞ੍ਞਪਚ੍ਚਯਤਾਮਤ੍ਤਸ੍ਸ. ਸਬ੍ਬੋ ਤਾਦਿਸੋਤਿ ਇਮਿਨਾ ਸਮਨਨ੍ਤਰਅਨਨ੍ਤਰੂਪਨਿਸ੍ਸਯਨਤ੍ਥਿਵਿਗਤਾਸੇਵਨਾਦਿਕਂ ਸਙ੍ਗਣ੍ਹਾਤਿ. ਅਞ੍ਞਮਞ੍ਞਪਚ੍ਚਯਤਞ੍ਚਾਤਿ ਏਤ੍ਥਾਪਿ ਵੁਤ੍ਤਨਯੇਨ ਅਤ੍ਥੋ ਵੇਦਿਤਬ੍ਬੋ. ਏਤ੍ਥ ਪਨ ਪਚ੍ਚਯੁਪ੍ਪਨ੍ਨਸ੍ਸਪਿ ਪਚ੍ਚਯਭਾਵਤੋ ਸਙ੍ਖਾਰਾਨਮ੍ਪਿ ਵਸੇਨ ਯੋਜੇਤਬ੍ਬਂ. ਤੇਨਾਹ ‘‘ਤਸ੍ਸਾ ਚ ਇਤਰਾ’’ਤਿ.

ਧਮ੍ਮਟ੍ਠਿਤਤਾਕਥਾਵਣ੍ਣਨਾ ਨਿਟ੍ਠਿਤਾ.