੧੧. ਅਵਿਞ੍ਞਤ੍ਤਿਦੁਸ੍ਸੀਲ੍ਯਨ੍ਤਿਕਥਾਵਣ੍ਣਨਾ

੬੦੩-੬੦੪. ਮਹਾਭੂਤਾਨਿ ਉਪਾਦਾਯ ਪਵਤ੍ਤੋ ਅਞ੍ਞਚਿਤ੍ਤਕ੍ਖਣੇਪਿ ਲਬ੍ਭਮਾਨੋ ਕੁਸਲਾਕੁਸਲਾਨੁਬਨ੍ਧੋ ਅਵਿਞ੍ਞਤ੍ਤੀਤਿ ਅਯਂ ਵਾਦੋ ‘‘ਚਿਤ੍ਤਵਿਪ੍ਪਯੁਤ੍ਤੋ ਅਪੁਞ੍ਞੂਪਚਯੋ’’ਤਿ ਇਮਿਨਾ ਸਙ੍ਗਹਿਤੋਤਿ ਤਤੋ ਅਞ੍ਞਾਨੁਬਨ੍ਧਾਯਂ ‘‘ਆਣਤ੍ਤਿਯਾ’’ਤਿਆਦਿ ਵੁਤ੍ਤਨ੍ਤਿ ਤਂ ਦਸ੍ਸੇਤੁਂ ‘‘ਆਣਤ੍ਤਿਯਾ…ਪੇ… ਅਧਿਪ੍ਪਾਯੋ’’ਤਿ ਵੁਤ੍ਤਂ. ਤਤ੍ਥ ਆਣਤ੍ਤੋ ਯਦਾ ਆਣਤ੍ਤਭਾਵੇਨ ਵਿਹਿਂਸਾਦਿਕਿਰਿਯਂ ਸਾਧੇਤਿ, ਤਦਾ ਆਣਤ੍ਤਿਯਾ ਪਾਣਾਤਿਪਾਤਾਦੀਸੁ ਅਙ੍ਗਭਾਵੋ ਵੇਦਿਤਬ੍ਬੋ. ਸਾ ਪਨਾਣਤ੍ਤਿ ਪਾਰਿਵਾਸਿਕਭਾਵੇਨ ਵਿਞ੍ਞਤ੍ਤਿਰਹਿਤਾ ਨਾਮ ਹੋਤੀਤਿ ਪਰਵਾਦਿਨੋ ਅਧਿਪ੍ਪਾਯੋ, ਤਂ ਦਸ੍ਸੇਤੁਂ ‘‘ਏਕਸ੍ਮਿਂ ਦਿਵਸੇ’’ਤਿਆਦਿ ਵੁਤ੍ਤਂ.

ਅਵਿਞ੍ਞਤ੍ਤਿਦੁਸ੍ਸੀਲ੍ਯਨ੍ਤਿਕਥਾਵਣ੍ਣਨਾ ਨਿਟ੍ਠਿਤਾ.

ਦਸਮਵਗ੍ਗਵਣ੍ਣਨਾ ਨਿਟ੍ਠਿਤਾ.

ਦੁਤਿਯੋ ਪਣ੍ਣਾਸਕੋ ਸਮਤ੍ਤੋ.