੬. ਓਪਮ੍ਮਸਂਸਨ੍ਦਨਵਣ੍ਣਨਾ

੨੮-੩੬. ਉਪਲਦ੍ਧਿਸਾਮਞ੍ਞੇਨ ਅਞ੍ਞਤ੍ਤਪੁਚ੍ਛਾ ਚਾਤਿ ਇਮਿਨਾ ਦ੍ਵਯਮ੍ਪਿ ਉਦ੍ਧਰਤਿ ਉਪਲਦ੍ਧਿਸਾਮਞ੍ਞੇਨ ਅਞ੍ਞਤ੍ਤਪੁਚ੍ਛਾ, ਉਪਲਦ੍ਧਿਸਾਮਞ੍ਞੇਨ ਪੁਚ੍ਛਾ ਚਾਤਿ. ਤਤ੍ਥ ਪਚ੍ਛਿਮਂ ਸਨ੍ਧਾਯਾਹ ‘‘ਦ੍ਵਿਨ੍ਨਂ ਸਮਾਨਤਾ’’ਤਿਆਦਿ. ਤਸ੍ਸਤ੍ਥੋ – ਦ੍ਵਿਨ੍ਨਂ ਰੂਪਵੇਦਨਾਨਂ ਵਿਯ ਰੂਪਪੁਗ੍ਗਲਾਨਂ ਸਚ੍ਚਿਕਟ੍ਠੇਨ ਸਮਾਨਤਾ ਤੇਸਂ ਅਞ੍ਞਤ੍ਤਸ੍ਸ ਕਾਰਣਂ ਯੁਤ੍ਤਂ ਨ ਹੋਤਿ. ਅਥ ਖੋ…ਪੇ… ਉਪਲਬ੍ਭਨੀਯਤਾਤਿ ਇਦਞ੍ਚ ਸਂਸਨ੍ਦਨਂ ਵਿਚਾਰੇਤਬ੍ਬਂ. ਅਯਂ ਹੇਤ੍ਥ ਅਧਿਪ੍ਪਾਯੋ – ਯਦਿ ਸਚ੍ਚਿਕਟ੍ਠਸਾਮਞ੍ਞੇਨ ਰੂਪਪੁਗ੍ਗਲਾਨਂ ਉਪਲਦ੍ਧਿਸਾਮਞ੍ਞਂ ਇਚ੍ਛਿਤਂ, ਤੇਨੇਵ ਨੇਸਂ ਅਞ੍ਞਤ੍ਤਮ੍ਪਿ ਇਚ੍ਛਿਤਬ੍ਬਂ. ਅਥ ਪਰਮਤ੍ਥਵੋਹਾਰਭੇਦਤੋ ਤੇਸਂ ਅਞ੍ਞਤ੍ਤਂ ਨ ਇਚ੍ਛਿਤਂ, ਤਤੋ ਏਵ ਉਪਲਦ੍ਧਿਸਾਮਞ੍ਞਮ੍ਪਿ ਨ ਇਚ੍ਛਿਤਬ੍ਬਨ੍ਤਿ.

੩੭-੪੫. ਉਪਲਦ੍ਧੀਤਿ ਪੁਗ੍ਗਲਸ੍ਸ ਉਪਲਦ੍ਧਿ ਵਿਜ੍ਜਮਾਨਤਾ. ‘‘ਪਟਿਕਮ੍ਮਪਞ੍ਚਕ’’ਨ੍ਤਿ ਵਿਞ੍ਞਾਯਤੀਤਿ ਯੋਜਨਾ.

ਓਪਮ੍ਮਸਂਸਨ੍ਦਨਵਣ੍ਣਨਾ ਨਿਟ੍ਠਿਤਾ.