੨. ਵਜ੍ਜਪਟਿਚ੍ਛਾਦਿਕਸਿਕ੍ਖਾਪਦਵਣ੍ਣਨਾ

੬੬੬. ਦੁਤਿਯੇ ਪੁਰਿਮੇਨਾਤਿਆਦਿ ਸੁਨ੍ਦਰੀਨਨ੍ਦਾਯ ਵਜ੍ਜਪਟਿਚ੍ਛਾਦਨੇ ਪਞ੍ਞਤ੍ਤਤਂ ਸਨ੍ਧਾਯ ਵੁਤ੍ਤਂ. ‘‘ਅਟ੍ਠਨ੍ਨ’’ਨ੍ਤਿ ਵੁਤ੍ਤਤ੍ਤਾ ਵਜ੍ਜਪਟਿਚ੍ਛਾਦਨਸ੍ਸਾਪਿ ਪਟਿਚ੍ਛਾਦਨੇ ਪਾਰਾਜਿਕਮੇਵਾਤਿ ਦਟ੍ਠਬ੍ਬਂ. ‘‘ਧੁਰਂ ਨਿਕ੍ਖਿਤ੍ਤਮਤ੍ਤੇ’’ਤਿ ਵੁਤ੍ਤਤ੍ਤਾ ਪਣ੍ਣਤ੍ਤਿਂ ਅਜਾਨਨ੍ਤਿਯਾਪਿ ‘‘ਇਦਂ ਵਜ੍ਜਂ ਨ ਪਕਾਸੇਸ੍ਸਾਮੀ’’ਤਿ ਛਨ੍ਦੇਨ ਧੁਰਂ ਨਿਕ੍ਖੇਪਕ੍ਖਣੇ ਪਾਰਾਜਿਕਨ੍ਤਿ ਦਟ੍ਠਬ੍ਬਂ. ਤਂ ਪਨ ਪਟਿਚ੍ਛਾਦਨਂ ਯਸ੍ਮਾ ‘‘ਪੇਸਲਾ ਞਤ੍ਵਾ ਗਰਹਿਸ੍ਸਨ੍ਤੀ’’ਤਿ ਭਯੇਨੇਵ ਹੋਤਿ, ਭਯਞ੍ਚ ਕੋਧਚਿਤ੍ਤਸਮ੍ਪਯੁਤ੍ਤਂ, ਤਸ੍ਮਾ ਇਦਂ ‘‘ਦੁਕ੍ਖਵੇਦਨ’’ਨ੍ਤਿ ਵੁਤ੍ਤਂ. ਯਂ ਪਨ ਸਾਰਤ੍ਥਦੀਪਨਿਯਂ (ਸਾਰਤ੍ਥ. ਟੀ. ਪਾਰਾਜਿਕਕਣ੍ਡ ੩.੬੬੬) ‘‘ਕਿਞ੍ਚਾਪਿ ਵਜ੍ਜਪਟਿਚ੍ਛਾਦਨਂ ਪੇਮਵਸੇਨ ਹੋਤਿ, ਤਥਾਪਿ ਸਿਕ੍ਖਾਪਦਵੀਤਿਕ੍ਕਮਚਿਤ੍ਤਂ ਦੋਮਨਸ੍ਸਿਤਮੇਵ ਹੋਤੀ’’ਤਿ ਏਵਂ ਪਣ੍ਣਤ੍ਤਿਵੀਤਿਕ੍ਕਮਚਿਤ੍ਤੇਨੇਵ ਛਾਦਨਂ ਦੋਮਨਸ੍ਸਤ੍ਤੇ ਕਾਰਣਂ ਵੁਤ੍ਤਂ, ਤਂ ਅਕਾਰਣਂ ਪਣ੍ਣਤ੍ਤਿਵਿਜਾਨਨਂ ਵਿਨਾਪਿ ਆਪਜ੍ਜਿਤਬ੍ਬਤੋਵ.

ਵਜ੍ਜਪਟਿਚ੍ਛਾਦਿਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੬੬੯. ਤਤਿਯਂ ਉਤ੍ਤਾਨਮੇਵ.