ਚੋਦਨਾਕਣ੍ਡਂ
ਅਨੁਵਿਜ੍ਜਕਕਿਚ੍ਚਵਣ੍ਣਨਾ
੩੬੦. ਪਾਲ਼ਿਯਂ ਯਂ ਖੋ ਤ੍ਵਨ੍ਤਿਆਦੀਸੁ ਤ੍ਵਂ, ਆਵੁਸੋ, ਯਂ ਇਮਂ ਭਿਕ੍ਖੁਂ ਚੋਦੇਸਿ, ਤਂ ਕਿਮ੍ਹਿ ਦੋਸੇ ਚੋਦੇਸਿ, ਕਤਰਾਯ ਵਿਪਤ੍ਤਿਯਾ ਚੋਦੇਸੀਤਿ ਅਤ੍ਥੋ. ਏਵਂ ਸਬ੍ਬਤ੍ਥ.
੩੬੧. ਅਸੁਦ੍ਧਪਰਿਸਙ੍ਕਿਤੋਤਿ ਅਸੁਦ੍ਧਾਯ ਅਟ੍ਠਾਨੇ ਉਪ੍ਪਨ੍ਨਾਯ ਪਰਿਸਙ੍ਕਾਯ ਪਰਿਸਙ੍ਕਿਤੋ. ਤੇਨਾਹ ‘‘ਅਮੂਲਕਪਰਿਸਙ੍ਕਿਤੋ’’ਤਿ.
੩੬੪. ਪਾਲ਼ਿਯਂ ਉਪੋਸਥੋ ਸਾਮਗ੍ਗਤ੍ਥਾਯਾਤਿ ਵਿਸੁਦ੍ਧਾਨਂ ਭਿਕ੍ਖੂਨਂ ਅਞ੍ਞੋਞ੍ਞਨਿਰਪੇਕ੍ਖੋ ਅਹੁਤ੍ਵਾ ਉਪੋਸਥੋ ਉਪੋਸਥਟ੍ਠਾਨਂ ਸਨ੍ਨਿਪਤਿਤ੍ਵਾ ‘‘ਪਾਰਿਸੁਦ੍ਧਿਂ ਆਯਸ੍ਮਨ੍ਤੋ ਆਰੋਚੇਥ, ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਪਰਿਸੁਦ੍ਧੋ ਅਹਂ ਆਵੁਸੋ’’ਤਿਆਦਿਨਾ ਅਞ੍ਞਮਞ੍ਞਂ ਪਰਿਸੁਦ੍ਧਿਵੀਮਂਸਨਾਰੋਚਨਵਸੇਨ ਅਯੁਤ੍ਤੇ ਵਿਵਜ੍ਜੇਤ੍ਵਾ ਯੁਤ੍ਤੇਹੇਵ ਕਾਯਚਿਤ੍ਤਸਾਮਗ੍ਗੀਕਰਣਤ੍ਥਾਯ.
ਵਿਸੁਦ੍ਧਾਯ ਪਵਾਰਣਾਤਿ ਦਿਟ੍ਠਸੁਤਾਦੀਹਿ ਅਞ੍ਞਮਞ੍ਞਂ ਕਥਾਪੇਤ੍ਵਾ ਵਿਸੁਦ੍ਧਿਸਮ੍ਪਾਦਨਤ੍ਥਾਯਾਤਿ ਅਤ੍ਥੋ. ਉਭੋ ਏਤੇਤਿ ਆਮਿਸਪੁਗ੍ਗਲਨਿਸ੍ਸਯਨੇ ਏਤੇ ਉਭੋ.
ਅਨੁਵਿਜ੍ਜਕਕਿਚ੍ਚਵਣ੍ਣਨਾ ਨਿਟ੍ਠਿਤਾ.