੩. ਖਮ੍ਭਕਤਵਗ੍ਗਵਣ੍ਣਨਾ

੬੦੩. ਪਤ੍ਤੇ ਗਹਣਸਞ੍ਞਾ ਅਸ੍ਸ ਅਤ੍ਥੀਤਿ ਪਤ੍ਤਸਞ੍ਞੀਤਿ ਇਮਮਤ੍ਥਂ ਦਸ੍ਸੇਤੁਂ ‘‘ਪਤ੍ਤੇ ਸਞ੍ਞਂ ਕਤ੍ਵਾ’’ਤਿ ਵੁਤ੍ਤਂ.

੬੦੪. ਓਲੋਣੀਤਿ ਏਕਾ ਬ੍ਯਞ੍ਜਨਵਿਕਤਿ. ਕਞ੍ਜਿਕਤਕ੍ਕਾਦਿਰਸੋਤਿ ਕੇਚਿ. ਮਂਸਰਸਾਦੀਨੀਤਿ ਆਦਿ-ਸਦ੍ਦੇਨ ਅਵਸੇਸਾ ਸਬ੍ਬਾਪਿ ਬ੍ਯਞ੍ਜਨਵਿਕਤਿ ਸਙ੍ਗਹਿਤਾ.

੬੦੫. ਸਮਭਰਿਤਨ੍ਤਿ ਰਚਿਤਂ. ਹੇਟ੍ਠਾ ਓਰੋਹਤੀਤਿ ਸਮਨ੍ਤਾ ਓਕਾਸਸਮ੍ਭਵਤੋ ਹਤ੍ਥੇਨ ਸਮਂ ਕਰਿਯਮਾਨਂ ਹੇਟ੍ਠਾ ਭਸ੍ਸਤਿ. ਪਤ੍ਤਮਤ੍ਥਕੇ ਠਪਿਤਾਨਿ ਪੂਵਾਨਿ ਏਵ ਵਟਂਸਕਾਕਾਰੇਨ ਠਪਿਤਤ੍ਤਾ ‘‘ਪੂਵਵਟਂਸਕ’’ਨ੍ਤਿ ਵੁਤ੍ਤਾਨਿ. ਕੇਚਿ ਪਨ ‘‘ਪਤ੍ਤਂ ਗਹੇਤ੍ਵਾ ਥੂਪੀਕਤਂ ਪਿਣ੍ਡਪਾਤਂ ਰਚਿਤ੍ਵਾ ਦਿਯ੍ਯਮਾਨਮੇਵ ਗਣ੍ਹਤੋ ਆਪਤ੍ਤਿ, ਹਤ੍ਥਗਤੇ ਏਵ ਪਨ ਪਤ੍ਤੇ ਦਿਯ੍ਯਮਾਨੇ ਥੂਪੀਕਤਮ੍ਪਿ ਗਹੇਤੁਂ ਵਟ੍ਟਤੀ’’ਤਿ ਵਦਨ੍ਤਿ, ਤਂ ਨ ਗਹੇਤਬ੍ਬਮੇਵ ‘‘ਸਮਤਿਤ੍ਤਿਕ’’ਨ੍ਤਿ ਭਾਵਨਪੁਂਸਕਵਸੇਨ ਸਾਮਞ੍ਞਤੋ ਵੁਤ੍ਤਤ੍ਤਾ.

ਖਮ੍ਭਕਤਵਗ੍ਗਵਣ੍ਣਨਾ ਨਿਟ੍ਠਿਤਾ.