੯. ਪਰਿਪਾਚਿਤਸਿਕ੍ਖਾਪਦਵਣ੍ਣਨਾ

੧੯੨. ਚੇਟਕੇਤਿ ਦਾਰਕੇ. ਤਰੁਣਪੋਤਕੇਤਿ ਪੋਰਾਣਾ. ‘‘ਪਾਪਭਿਕ੍ਖੂਨਂ ਪਕ੍ਖੁਪਚ੍ਛੇਦਾਯ ਇਦਂ ਪਞ੍ਞਤ੍ਤਂ, ਤਸ੍ਮਾ ਪਞ੍ਚ ਭੋਜਨੇਯੇਵਾਪਤ੍ਤਿ ਵੁਤ੍ਤਾ’’ਤਿ ਲਿਖਿਤਂ.

੧੯੪-੭. ਨਿਪ੍ਫਾਦਿਤਨ੍ਤਿ ਵਿਞ੍ਞਤ੍ਤਿਯਾ ਨ ਹੋਤਿ, ਕਿਨ੍ਤੁ ਪਰਿਕਥਾਦੀਹਿ, ਤਸ੍ਮਾ ਇਮਿਨਾ ਸਿਕ੍ਖਾਪਦੇਨ ਅਨਾਪਤ੍ਤਿ, ਤਂ ਸਨ੍ਧਾਯ ‘‘ਸਬ੍ਬਤ੍ਥ ਅਨਾਪਤ੍ਤੀ’’ਤਿ ਵੁਤ੍ਤਂ. ‘‘ਕਥਾਨੁਸਾਰੇਨ ਤਤ੍ਥ ਪਸੀਦਿਤ੍ਵਾ ਦੇਨ੍ਤਿ, ਇਦਂ ਪਰਿਪਾਚਿਤਂ ਨ ਹੋਤਿ, ਵਟ੍ਟਨ੍ਤੀ’’ਤਿ ਪਠਮਸਿਕ੍ਖਾਪਦੇ ਵੁਤ੍ਤਤ੍ਤਾਤਿ ਧਮ੍ਮਸਿਰਿਤ੍ਥੇਰੋ, ਉਪਤਿਸ੍ਸਤ੍ਥੇਰੋ ਪਨ ‘‘ਇਤਰਮ੍ਪਿ ਵਟ੍ਟਤਿਯੇਵਾ’’ਤਿ ਆਹ. ਪੋਰਾਣਗਣ੍ਠਿਪਦੇ ਪਨ ‘‘ਯਸ੍ਮਾ ਦੇਵਦਤ੍ਤੋ ਪਕਤਿਯਾ ਤਤ੍ਥ ਭਿਕ੍ਖੁਨਿਪਰਿਪਾਚਿਤਂ ਭੁਞ੍ਜਤਿ, ਤਸ੍ਮਾ ਇਮਂ ਅਟ੍ਠੁਪ੍ਪਤ੍ਤਿਂ ਨਿਦਾਨਂ ਕਤ੍ਵਾ ਇਦਂ ਸਿਕ੍ਖਾਪਦਂ ਪਞ੍ਞਤ੍ਤ’’ਨ੍ਤਿ ਵੁਤ੍ਤਂ.

ਪਰਿਪਾਚਿਤਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.