੪. ਅਨਨੁਸ੍ਸੁਤਵਗ੍ਗਵਣ੍ਣਨਾ

੩੯੭-੪੦੭. ਯਾ ਵੇਦਨਾ ਸਮ੍ਮਸਿਤ੍ਵਾਤਿ ਯਾ ਤੇਭੂਮਕਵੇਦਨਾ ਸਮ੍ਮਸਿਤ੍ਵਾ. ਤਾਵਸ੍ਸਾਤਿ ਤਾ ਤੇਭੂਮਕਵੇਦਨਾ ਏਵ ਅਸ੍ਸ ਭਿਕ੍ਖੁਨੋ. ਸਦਿਸਵਸੇਨ ਚੇਤਂ ਵੁਤ੍ਤਂ, ਅਨਿਚ੍ਚਾਦਿਸਮ੍ਮਸਨਵਸੇਨ ਵਿਦਿਤਾ ਪੁਬ੍ਬਭਾਗੇ ਸਮ੍ਮਸਨਕਾਲੇ ਉਪਟ੍ਠਹਨ੍ਤਿ. ਪਰਿਗ੍ਗਹਿਤੇਸੂਤਿ ਪਰਿਜਾਨਨਵਸੇਨ ਪਰਿਚ੍ਛਿਜ੍ਜ ਗਹਿਤੇਸੁ. ‘‘ਵੇਦਨਾ ਤਣ੍ਹਾਪਪਞ੍ਚਸ੍ਸ, ਵਿਤਕ੍ਕੋ ਮਾਨਪਪਞ੍ਚਸ੍ਸ, ਸਞ੍ਞਾ ਦਿਟ੍ਠਿਪਪਞ੍ਚਸ੍ਸ ਮੂਲਵਸੇਨ ਸਮ੍ਮਸਨਂ ਵੁਤ੍ਤਾ’’ਤਿ ਵਦਨ੍ਤਿ. ‘‘ਵੇਦਨਾਵਿਤਕ੍ਕਸਞ੍ਞਾ ਤਣ੍ਹਾਮਾਨਦਿਟ੍ਠਿਪਪਞ੍ਚਾਨਂ ਮੂਲਦਸ੍ਸਨਵਸੇਨਾ’’ਤਿ ਅਪਰੇ.

ਅਨਨੁਸ੍ਸੁਤਵਗ੍ਗਵਣ੍ਣਨਾ ਨਿਟ੍ਠਿਤਾ.