੮. ਨਿਬ੍ਬੇਧਭਾਗਿਯਸੁਤ੍ਤਵਣ੍ਣਨਾ

੨੦੯. ਨਿਬ੍ਬਿਜ੍ਝਨ੍ਤੀਤਿ ਨਿਬ੍ਬੇਧਾ, ਨਿਬ੍ਬਿਜ੍ਝਨਧਮ੍ਮਾ ਧਮ੍ਮਵਿਨਯਾਦਯੋ, ਤਪ੍ਪਰਿਯਾਪਨ੍ਨਤਾਯ ਨਿਬ੍ਬੇਧਭਾਗੇ ਗਤੋ ਨਿਬ੍ਬੇਧਭਾਗਿਯੋ, ਤਂ ਨਿਬ੍ਬੇਧਭਾਗਿਯਂ. ਤੇਨਾਹ ‘‘ਨਿਬ੍ਬਿਜ੍ਝਨਕੋਟ੍ਠਾਸਿਯ’’ਨ੍ਤਿ. ਭਾਵੇਤ੍ਵਾ ਠਿਤੇਨ ਚਿਤ੍ਤੇਨ. ਵਿਪਸ੍ਸਨਾਮਗ੍ਗਮ੍ਪਿ ਗਹੇਤ੍ਵਾ ‘‘ਮਗ੍ਗਬੋਜ੍ਝਙ੍ਗਾ ਮਿਸ੍ਸਕਾ’’ਤਿ ਵੁਤ੍ਤਾ. ਤੇਹੀਤਿ ਬੋਜ੍ਝਙ੍ਗੇਹਿ ਭਾਵਿਤਂ ਚਿਤ੍ਤਂ. ਤੇ ਵਾ ਬੋਜ੍ਝਙ੍ਗੇ ਭਾਵੇਤ੍ਵਾ ਠਿਤਂ ਚਿਤ੍ਤਂ ਨਾਮ ਫਲਚਿਤ੍ਤਂ, ਤਸ੍ਮਾ ਨਿਬ੍ਬਤ੍ਤਿਤਲੋਕੁਤ੍ਤਰਮੇਵ. ਤਮ੍ਪੀਤਿ ਫਲਚਿਤ੍ਤਮ੍ਪਿ ਮਗ੍ਗਾਨਨ੍ਤਰਤਾਯ ਮਗ੍ਗਨਿਸ੍ਸਿਤਂ ਕਤ੍ਵਾ ਮਿਸ੍ਸਕਮੇਵ ਕਥੇਤੁਂ ਵਟ੍ਟਤਿ ‘‘ਬੋਧਾਯ ਸਂਵਤ੍ਤਨ੍ਤੀ’’ਤਿ ਵੁਤ੍ਤਤ੍ਤਾ.