੮. ਦੁਤਿਯਛਿਗ੍ਗਲ਼ਯੁਗਸੁਤ੍ਤਵਣ੍ਣਨਾ

੧੧੧੮. ਅਧਿਚ੍ਚੁਪ੍ਪਤ੍ਤਿਕਨ੍ਤਿ ਯਦਿਚ੍ਛਾਵਸੇਨ ਉਪ੍ਪਜ੍ਜਨਕਂ. ਛਿਗ੍ਗਲ਼ੇਨਾਤਿ ਛਿਗ੍ਗਲ਼ਪਦੇਸੇਨ. ਛਿਗ੍ਗਲ਼ੁਪਰੀਤਿ ਹੇਟ੍ਠਿਮਯੁਗਸ੍ਸ ਛਿਗ੍ਗਲ਼ਪਦੇਸਸ੍ਸ ਉਪਰਿ. ਆਰੁਲ਼੍ਹਸ੍ਸ ਛਿਗ੍ਗਲ਼ੇਨਾਤਿ ਉਭਿਨ੍ਨਮ੍ਪਿ ਛਿਦ੍ਦੇਨ. ਗੀਵਪ੍ਪਵੇਸਨਂ ਵਿਯਾਤਿ ਚਤੁਨ੍ਨਂ ਯੁਗਾਨਂ ਛਿਦ੍ਦਪਦੇਸੇਨੇਵ ਉਪਰੂਪਰਿ ਠਿਤਾਨਂ ਛਿਦ੍ਦਨ੍ਤਰੇਨ ਕਾਣਕਚ੍ਛਪਸ੍ਸ ਗੀਵਪ੍ਪਵੇਸਨਂ ਅਧਿਚ੍ਚਤਰਸਮ੍ਭਵਂ. ਤਤੋਪਿ ਅਧਿਚ੍ਚਤਰਸਮ੍ਭਵੋ ਮਨੁਸ੍ਸਤ੍ਤਲਾਭੋ, ਤਤੋ ਅਧਿਚ੍ਚਤਮਸਮ੍ਭਵੋ ਅਰਿਯਮਗ੍ਗਪਟਿਲਾਭੋਤਿ ਦਸ੍ਸੇਨ੍ਤੋ ਆਹ ‘‘ਚਤੁਸਚ੍ਚਪਟਿਵੇਧੋ ਅਤਿਵਿਯ ਅਧਿਚ੍ਚਤਰਸਮ੍ਭਵੋ’’ਤਿ.

ਪਪਾਤਵਗ੍ਗਵਣ੍ਣਨਾ ਨਿਟ੍ਠਿਤਾ.