੪. ਪਠਮਸਰਣਾਨਿਸਕ੍ਕਸੁਤ੍ਤਵਣ੍ਣਨਾ

੧੦੨੦. ਪਮਾਣੇਨਾਤਿ ਏਕੇਨ ਪਮਾਣੇਨ, ਨ ਸਬ੍ਬਸੋ. ਓਲੋਕਨਂ ਖਮਨ੍ਤੀਤਿ ਦਸ੍ਸਨਮਗ੍ਗੇਨ ਚਤੁਸਚ੍ਚਧਮ੍ਮਾ ਪਚ੍ਚਤ੍ਤਂ ਪਸ੍ਸਿਤਬ੍ਬਾ ਪਟਿਵਿਜ੍ਝਿਤਬ੍ਬਾ. ਪਠਮਮਗ੍ਗਕ੍ਖਣੇ ਹਿ ਚਤੁਸਚ੍ਚਧਮ੍ਮਾ ਏਕਦੇਸਤੋਵ ਦਿਟ੍ਠਾ ਨਾਮ ਹੋਨ੍ਤਿ. ‘‘ਪਰਿਮੁਚ੍ਚਤੀ’’ਤਿ ਪਨ ਵਤ੍ਤੁਂ ਵਟ੍ਟਤਿ ਪਟਿਵਿਜ੍ਝਨਕਿਰਿਯਾਯ ਵਤ੍ਤਮਾਨਤ੍ਤਾ. ਅਗਨ੍ਤ੍ਵਾ ਅਪਾਯੇਸੁ ਅਨੁਪ੍ਪਤ੍ਤਿਰਹਤ੍ਤਾ. ਤੇਨਾਹ ‘‘ਨ ਗਚ੍ਛਤੀ’’ਤਿ, ਨ ਉਪ੍ਪਜ੍ਜਤੀਤਿ ਅਤ੍ਥੋ. ਮਹਾਸਾਰਰੁਕ੍ਖੇ ਦਸ੍ਸੇਨ੍ਤੋ ਆਹ – ‘‘ਯੋ ਕੋਚਿ ਵਿਞ੍ਞੁਜਾਤਿਕੋ ਮਮ ਚੇ ਗੋਚਰਂ ਗਚ੍ਛਤਿ, ਏਕਸ੍ਸ ਆਗਮਨਂ ਅਵਞ੍ਝਂ ਅਮੋਘ’’ਨ੍ਤਿ ਦਸ੍ਸੇਤੁਂ.