੭. ਦੁਤਿਯਮਿਤ੍ਤਾਮਚ੍ਚਸੁਤ੍ਤਵਣ੍ਣਨਾ

੧੦੧੩. ਕਿਸ੍ਮਿਞ੍ਚਿ ਕਸ੍ਸਚਿ ਚ ਤਥਾ ਤਥਾ ਉਪ੍ਪਨ੍ਨਸ੍ਸ ਪਸਾਦਸ੍ਸ ਅਞ੍ਞਥਾਭਾਵੋ ਪਸਾਦਞ੍ਞਥਤ੍ਤਂ. ਭੂਤਸਙ੍ਘਾਤਸ੍ਸ ਘਨਆਦਿਕਸ੍ਸ ਅਞ੍ਞਥਾਭਾਵੋ ਭਾਵਞ੍ਞਥਤ੍ਤਂ. ਨਿਰਯਾਦਿਗਤਿਅਨ੍ਤਰਉਪਪਤ੍ਤਿ ਗਤਿਅਞ੍ਞਥਤ੍ਤਂ. ਸਭਾਵਧਮ੍ਮਾਨਂ ਕਕ੍ਖਲ਼ਫੁਸਨਾਦਿਲਕ੍ਖਣਸ੍ਸ ਅਞ੍ਞਥਾਭਾਵੋ ਲਕ੍ਖਣਞ੍ਞਥਤ੍ਤਂ. ‘‘ਠਿਤਸ੍ਸ ਅਞ੍ਞਥਤ੍ਤਂ ਪਞ੍ਞਾਯਤੀ’’ਤਿ ਏਵਂ ਵੁਤ੍ਤਂ ਅਞ੍ਞਥਤ੍ਤਂ ਵਿਪਰਿਣਾਮਞ੍ਞਥਤ੍ਤਂ. ਲਕ੍ਖਣਞ੍ਞਥਤ੍ਤਂ ਨ ਲਬ੍ਭਤਿ. ਤੇਨਾਹ ‘‘ਲਕ੍ਖਣਂ ਪਨ ਨ ਵਿਗਚ੍ਛਤੀ’’ਤਿ, ਸੇਸਂ ਲਬ੍ਭਤੀਤਿ. ਪਥਵੀਧਾਤੁਯਾਤਿ ਸਸਮ੍ਭਾਰਪਥਵੀਧਾਤੁਯਾ. ਆਪੋਧਾਤੁਯਾਤਿ ਏਤ੍ਥਾਪਿ ਏਸੇਵ ਨਯੋ. ਪੁਰਿਮਭਾਵੋਤਿ ਘਨਕਠਿਨਭਾਵੋ. ਭਾਵਞ੍ਞਥਤ੍ਤਂ ਰਸਞ੍ਞਥਤ੍ਤਸਭਾਵੋ. ਗਤਿਅਞ੍ਞਥਤ੍ਤਂ ਉਗ੍ਗਤੂਪਪਤ੍ਤਿ. ਤੇਨਾਹ ‘‘ਤਞ੍ਹਿ ਅਰਿਯਸਾਵਕਸ੍ਸ ਨਤ੍ਥੀ’’ਤਿ. ਪਸਾਦਞ੍ਞਥਤ੍ਤਮ੍ਪਿ ਨਤ੍ਥਿਯੇਵ ਅਰਿਯਸਾਵਕਸ੍ਸ.

ਰਾਜਕਾਰਾਮਵਗ੍ਗਵਣ੍ਣਨਾ ਨਿਟ੍ਠਿਤਾ.