੩. ਸਾਰਿਪੁਤ੍ਤਸੁਤ੍ਤਵਣ੍ਣਨਾ

੩. ਸਾਵਕਬੋਧਿ ਸਾਵਕਪਾਰਮਿਯੋ, ਤਪ੍ਪਰਿਯਾਪਨ੍ਨਂ ਞਾਣਂ ਸਾਵਕਪਾਰਮਿਞਾਣਂ, ਤਂ ਪਨ ਦ੍ਵਿਨ੍ਨਂ ਅਗ੍ਗਸਾਵਕਾਨਂ ਤਤ੍ਥਪਿ ਧਮ੍ਮਸੇਨਾਪਤਿਨੋ ਏਵ ਸਵਿਸੇਸਂ ਮਤ੍ਥਕਂ ਪਤ੍ਤਂ, ਨ ਇਤਰੇਸਨ੍ਤਿ ਆਹ – ‘‘ਸਾਵਕ…ਪੇ… ਅਪ੍ਪਤ੍ਤਤਾਯਾ’’ਤਿ. ਤਸ੍ਮਾ ਤਸ੍ਸ ਮਤ੍ਥਕਪ੍ਪਤ੍ਤਿਯਾ ਮਗ੍ਗਬ੍ਰਹ੍ਮਚਰਿਯੇ ਇਜ੍ਝਨ੍ਤੇ ਤਸ੍ਸ ਏਕਦੇਸੋ ਇਧ ਇਜ੍ਝਤਿ, ਨ ਸਕਲਨ੍ਤਿ. ਨ ਹਿ ਅਦ੍ਧਬ੍ਰਹ੍ਮਚਰਿਯਂ ਨਾਮ ਅਤ੍ਥਿ, ਤਸ੍ਮਾ ਵੁਤ੍ਤਂ, ‘‘ਸਕਲਮ੍ਪਿ …ਪੇ… ਲਬ੍ਭਤੀ’’ਤਿ, ਤਂ ਪਨ ਭਣ੍ਡਾਗਾਰਿਕੋ ਨਾਞ੍ਞਾਸਿ ਞਾਣਸ੍ਸ ਸਾਵਕਵਿਸਯੇਪਿ ਸਪ੍ਪਦੇਸਿਕਤ੍ਤਾ, ਧਮ੍ਮਸੇਨਾਪਤਿ ਪਨ ਞਾਣਸ੍ਸ ਤਤ੍ਥ ਨਿਪ੍ਪਦੇਸਿਕਤ੍ਤਾ ਅਞ੍ਞਾਸੀਤਿ. ਤੇਨਾਹ – ‘‘ਆਨਨ੍ਦਤ੍ਥੇਰੋ…ਪੇ… ਅਞ੍ਞਾਸੀ’’ਤਿ. ਏਵਮਾਹਾਤਿ ‘‘ਸਕਲਮਿਦਂ, ਭਨ੍ਤੇ’’ਤਿ ਏਵਂ ਅਵੋਚ.

ਸਾਰਿਪੁਤ੍ਤਸੁਤ੍ਤਵਣ੍ਣਨਾ ਨਿਟ੍ਠਿਤਾ.