੧੧. ਭਦ੍ਰਕਸੁਤ੍ਤਵਣ੍ਣਨਾ

੩੬੩. ਏਵਂਨਾਮਕੇਤਿ ਮਲ੍ਲਾ ਨਾਮ ਜਾਨਪਦਿਨੋ ਰਾਜਕੁਮਾਰਾ, ਨੇਸਂ ਨਿਵਾਸਤਾਯ ‘‘ਮਲ੍ਲਾ’’ਇਚ੍ਚੇਵ ਬਹੁਵਚਨਵਸੇਨ ਲਦ੍ਧਨਾਮਤ੍ਤਾ ਏਵਂਨਾਮਕੇ ਜਨਪਦੇ. ਨਤ੍ਥਿ ਏਤਸ੍ਸ ਪਤ੍ਤਿਯਾ ਕਾਲਨ੍ਤਰਸਞ੍ਞਿਤੋ ਕਾਲੋਤਿ ਅਕਾਲੋ, ਸੋ ਏਵ ਅਕਾਲਿਕੋ. ਤੇਨਾਹ – ‘‘ਕਾਲਂ ਅਨਤਿਕ੍ਕਮਿਤ੍ਵਾ ਪਤ੍ਤੇਨਾ’’ਤਿ. ਸੋ ਪਨ ‘‘ਯਂਕਿਞ੍ਚਿ ਦੁਕ੍ਖਂ ਉਪ੍ਪਜ੍ਜਮਾਨਂ ਉਪ੍ਪਜ੍ਜਤਿ, ਸਬ੍ਬਂ ਤਂ ਛਨ੍ਦਮੂਲਕ’’ਨ੍ਤਿ ਏਵਂ ਵੁਤ੍ਤੋ ਦੁਕ੍ਖਸ੍ਸ ਛਨ੍ਦਮੂਲਭਾਵੋ, ਏਵਂ ਛਨ੍ਦਮੂਲਕਸ੍ਸ ਦੁਕ੍ਖਸ੍ਸ ਕਥਿਤਤ੍ਤਾ ‘‘ਇਮਸ੍ਮਿਂ ਸੁਤ੍ਤੇ ਵਟ੍ਟਦੁਕ੍ਖਂ ਕਥਿਤ’’ਨ੍ਤਿ ਵੁਤ੍ਤਂ.

ਭਦ੍ਰਕਸੁਤ੍ਤਵਣ੍ਣਨਾ ਨਿਟ੍ਠਿਤਾ.