੭-੮. ਹਾਲਿਦ੍ਦਿਕਾਨਿਸੁਤ੍ਤਾਦਿਵਣ੍ਣਨਾ

੧੩੦-੧੩੧. ਤਂ ਇਤ੍ਥੇਤਨ੍ਤਿ ਚਕ੍ਖੁਨਾ ਯਂ ਰੂਪਂ ਦਿਟ੍ਠਂ, ਤਂ ਇਤ੍ਥਨ੍ਤਿ ਅਤ੍ਥੋ. ਤਂ ਸੁਖਵੇਦਨਿਯਨ੍ਤਿ ਤਂ ਸੁਖਵੇਦਨਾਯ ਉਪਨਿਸ੍ਸਯਕੋਟਿਯਾ ਪਚ੍ਚਯਭੂਤਂ ਚਕ੍ਖੁਵਿਞ੍ਞਾਣਞ੍ਚੇਵ, ਯੋ ਚ ਯਥਾਰਹਂ ਉਪਨਿਸ੍ਸਯਕੋਟਿਯਾ ਵਾ, ਅਨਨ੍ਤਰੋ ਚੇ ਅਨਨ੍ਤਰਕੋਟਿਯਾ ਵਾ, ਸਹਜਾਤੋ ਚੇ ਸਮ੍ਪਯੁਤ੍ਤਕੋਟਿਯਾ ਵਾ, ਸੁਖਵੇਦਨਾਯ ਪਚ੍ਚਯੋ ਫਸ੍ਸੋ. ਤਂ ਸੁਖਵੇਦਨਿਯਞ੍ਚ ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਵੇਦਨਾਤਿ ਯੋਜਨਾ. ਏਸ ਨਯੋ ਸਬ੍ਬਤ੍ਥ ਸਬ੍ਬੇਸੁ ਸੇਸੇਸੁ ਸਤ੍ਤਸੁ ਵਾਰੇਸੁ. ਮਨੋਧਾਤੁਯੇਵ ਵਾ ਸਮਾਨਾਤਿ ਅਭਿਧਮ੍ਮਨਯੇਨ. ਸੁਤ੍ਤਨ੍ਤਨਯੇਨ ਪਨ ਸੁਞ੍ਞਤਟ੍ਠੇਨ ਨਿਸ੍ਸਤ੍ਤਨਿਜ੍ਜੀਵਟ੍ਠੇਨ ਚ ਮਨੋਧਾਤੁਸਮਞ੍ਞਂ ਲਭਤੇਵ. ਅਟ੍ਠਮਂ ਉਤ੍ਤਾਨਮੇਵ ਹੇਟ੍ਠਾ ਵੁਤ੍ਤਨਯਤ੍ਤਾ.

ਹਾਲਿਦ੍ਦਿਕਾਨਿਸੁਤ੍ਤਾਦਿਵਣ੍ਣਨਾ ਨਿਟ੍ਠਿਤਾ.